سیلاب دیاں تباہیاں

پروونشل ڈیزاسٹر مینجمنٹ اتھارٹی (پی ڈی ایم اے) خیبر پختونخوا نے پچھلے 48 گھنٹیاں دے دوران ہون والیاں بارشاں تے سیلاب توں ہون والے جانی تے مالی نقصان دی تفصیل جاری کر دِتی اے۔پی ڈی ایم اے ولوں جاری کیتے گئے اعداد و شمار دے مطابق، بارش تے سیلاب دی وجہ نال ہون والے مختلف حادثیاں وچ ہُن تک 307 بندے جاں بحق ہو چکے نیں۔ جاں بحق ہوۓ بندیاں وچ 279 مرد، 15 عورتاں تے 13 بچے شامل نیں۔اعداد و شماردے مطابق وکھ وکھ حادثیاں وچ 23 بندے زخمی وی ہوۓ نیں، جنہاں وچ 17 مرد، 4 عورتاں تے 2 بچے شامل نیں۔صوبائی ڈیزاسٹر مینجمنٹ اتھارٹی دے مطابق بارشاں تے سیلاب دی وجہ نال کُل ملا کے 74 گھراں نوں نقصان پہنچیا، جنہاں وچ 63 گھراں نوں جزوی نقصان ہویا تے 11 گھر مکمل طور تے تباہ ہو گئے۔پی ڈی ایم اے دے مطابق ایہہ حادثے سوات، بونیر، باجوڑ، تورغر، مانسہرہ، شانگلہ تے بٹگرام وچ پیش آۓ۔پروونشل اتھارٹی دے مطابق متاثرہ ضلعیاں لئی کُل ملا کے 50 کروڑ روپے جاری کیتے گئے نیں، جنہاں وچوں بونیر لئی 15 کروڑ، تے باجوڑ، بٹگرام تے مانسہرہ لئی 10، 10 کروڑ روپے، جدوکہ سوات لئی 5 کروڑ روپے جاری کیتے گئے نیں۔