غذر وچ گلیشیئر پھٹن نال فیر سیلاب

گلگت بلتستان دے ضلع غذر وچ گلیشیئر پھٹن نال سیلاب نے فیر تباہی مچا دِتی، کئی پنڈ تھلے آ گئے، درجناں  بندے پھسے سن جنہاں وچوں 50 توں ودھ نوں ریسکیو کر لیا گیا۔گلگت بلتستان حکومت دے ترجمان فیض اللہ نے آکھیا کہ سیلاب نال لوکاں دا وڈا مالی نقصان ہویا اے پر جاناں محفوظ نیں۔فیض اللہ نے دسیا کہ غذر گوپس دے علاقے تالی داس دے مقام تے گلیشیئر پھٹ گیا، جیہڑا دریا دا بہاؤ روک بیٹھا، ہور نقصان دا خدشہ اے۔ وزیراعلیٰ آپ صورتحال مانیٹر کر رئے نیں تاکہ ہور تباہی نہ ہووے۔اوہناں نے ایہہ وی آکھیا کہ گلیشیئر پھٹن نال پانی جھیل دی شکل اختیار کر گیا اے، نال دے پنڈ ہور تھلے آن دا خطرہ ودھ گیا اے۔ سیلاب وچ پھسے 50 توں ودھ لوکاں نوں ریسکیو کر لیا گیا اے۔ترجمان گلگت بلتستان حکومت نے دسیا کہ امدادی کارروائیاں جاری اے۔ انتظامیہ، ریسکیو 1122 تے ڈیزاسٹر مینجمنٹ دے اہلکار موقعے تے موجود نیں۔ایس توں پہلاں ضلعی حکام نے آکھیا کہ غذر وچ گلیشیئر پھٹن نال وڈی لینڈ سلائیڈنگ ہو گئی جس نال دریائے غذر دا بہاؤ مکمل طور تے رک گیا، کئی بستیاں سیلاب نال متاثر ہو رہیاں نیں۔ عطا آباد جھیل ورگی صورتحال بن گئی اے پر کوئی جانی نقصان نہیں ہویا۔ضلعی انتظامیہ نے دسیا کہ لینڈ سلائیڈنگ نال گلگت شندور روڈ مکمل بند ہو گیا اے، تالی داس نالے وچ دونویں پاسے توں لینڈ سلائیڈنگ ہوئی۔ تودے نال راوشن پینڈ دی آبادی محصور ہو گئی۔وزیر داخلہ گلگت بلتستان شمس لون نے آکھیا کہ سیلاب نے غذر وچ فیر تباہی مچا دِتی اے پر اجے تک کوئی جانی نقصان نہیں ہویا۔ کچھ لوک پھسے نیں جنہاں نوں کڈھن لئی ہیلی کاپٹر منگیا گیا اے۔ کمانڈر ایف سی این اے دی طرفوں ہنگامی بُنیاداں تے ہیلی کاپٹر روانہ کر دِتا گیا اے۔غذر پولیس نے وی تصدیق کیتی اے کہ سیلاب نال راوشن پینڈ وچ 50 بندے پھسے پئے نیں۔ایڈیشنل ڈپٹی کمشنر غذر نے دسیا کہ تالی داس راوشن وچ لینڈ سلائیڈنگ نال رات 3 وجہ توں دریائے غذر مکمل بند اے۔ دریا بند ہون نال ہور آبادیاں سیلابی پانی دے کٹاؤ وچ آ رہیاں نیں۔ لوکاں نوں بروقت اطلاع دِتی گئی جس نال کوئی جانی نقصان نہیں ہویا۔بعد وچ سیلاب وچ پھسے لوکاں دی مدد لئی پاک فوج دا ہیلی کاپٹر غذر پہنچ گیا جس نے کئی لوکاں نوں محفوظ تھاماں تے منتقل کر دِتا۔