وزیراعظم شہبازشریف

وزیراعظم شہباز شریف نے چیئرمین نیشنل ڈیزاسٹر مینجمنٹ اتھارٹی (این ڈی ایم اے) نوں ہدایت کیتی اے کہ خیبر پختونخوا دے 9 متاثرہ ضلعیاں وچ امدادی کاروائیاں تیز کیتیاں جان۔وزیراعظم نے ٹویٹ کردیاں ہویاں اکھیاکہ  خیبر پختونخوا تے شمالی پاکستان وچ بدل پھٹن تے اچانک سیلاب دی وجہ نال ہون والی تباہی توں سخت رنج تے افسوس ہویا اے۔اُہناں کہیا کہ ایس دکھ دی گھڑی وچ اسی اپنے پراواں تے بہناں دے نال مکمل یکجہتی نال کھڑے آں۔ حکومت ریسکیو تے ریلیف آپریشن لئی سارے وسائل نوں متحرک کر رہی اے۔وزیراعظم نے دسیا کہ چیئرمین این ڈی ایم اے نال ملاقات وچ ہدایت کیتی گئی اے کہ سوات، بونیر، باجوڑ، تورغر، مانسہرہ، شانگلہ تے بٹگرام دے متاثرہ ضلعیاں وچ امدادی کاروائیاں تیز کیتیاں جان، خاص طور اُتے باجوڑ تے بٹگرام اُتے فوری توجہ دِتی جاوے۔اُہناں ایہ وی دسے اکھیا کہ جیڑے لوگ پھنسے ہوۓ نیں، انہاں نوں فوری ریلیف فراہم کیتا جا رہیا اے۔ زخمی لوکاں نوں طبی سہولت مہیا کیتی جا رہی اے، تے سڑکاں نوں صاف کرن تے رابطے بحال کرن لئی بھاری مشینری تعینات کر دِتی گئی اے۔وزیراعظم شہباز شریف نے چیئرمین نیشنل ڈیزاسٹر مینجمنٹ اتھارٹی خیبرپختونخوا دے 9 متاثرہ ضلعیاں وچ امدادی کاروائیاں تیز کرن دی ہدایت جاری کردتی