اسلام آباد ہائیکورٹ نے 18 افغانی شہریاں نوں واپس بھیجن دی کارروائی معطل کر دتی

اسلام آباد: اسلام آباد ہائیکورٹ نے 18 افغانی شہریاں نوں واپس بھجوان دی کارروائی نوں اگے ودھان توں روک دتا۔ عدالتِ عالیہ نے وزارت داخلہ، نادرا، ڈائریکٹر جنرل (ڈی جی) امیگریشن، ایف آئی اے تے پولیس نوں نوٹس جاری کردے ہوئیاں جواب طلب کر ليا۔چیف جسٹس اسلام آباد ہائیکورٹ جسٹس سرفراز ڈوگر نے افغانی شہریاں دی درخواست اُتے تحریری حکم نامہ جاری کیتا۔ عدالتی حکم مطابق حکومت نے 4 اگست نوں درخواست گزاراں دے پروف آف ریذیڈنس (پی او آر) کارڈ منسوخ کرکے واپسی دا حکم دتا سی۔حکم نامے وچ ہور درج اے کہ درخواست گزاراں دے وکیل ولوں موقف اپنایا گیا کہ اوہ فضل الرحمان نامی مرحوم شخص دے خاندان نال تعلق رکھدے نیں۔ فضل الرحمان نے سال 2008 وچ سارے قانونی تقاضے پورے کر کے شہریت لئی درخواست دتی سی، پر اج تک اس شہریت دی درخواست اُتے فیصلہ نہیں کیتا گیا۔عدالتی حکم نامے مطابق درخواست گزاراں خلاف کسے قسم دی کارروائی وی روک دتی گئی اے۔عدالت نے فریقین نوں حکم دتا کہ آئندہ سماعت اُتے پیراوائز کمنٹس جمع کراؤن، کیس دی اگلی سماعت 18 ستمبر نوں مقرر کیتی گئی اے۔یاد رہے کہ رواں ماہ وفاقی حکومت نے صوبیاں نوں اطلاع دتی سی کہ پروف آف رجسٹریشن (پی او آر) کارڈ رکھن والے 13 لکھ توں ودھ افغانی مہاجرین دی باقاعدہ وطن واپسی تے ملک بدری دا عمل یکم ستمبر توں شروع کیتا جاوے گا۔