بنوں: موٹرسائیکل سوار دہشت گرداں دی فائرنگ نال ایلیٹ فورس دا جوان شہید

بنوں: خیبر پختونخوا دے ضلع بنوں دے تھانہ کینٹ دیاں حدود وچ دہشت گرداں دی فائرنگ نال ایلیٹ فورس دا کمانڈو شہید ہو گیا۔میرانشاہ روڈ اُتے نامعلوم موٹرسائیکل سواراں نے ڈیوٹی ختم کر کے اپنے گاؤں واپس جان والے ایلیٹ فورس دے کمانڈو کانسٹیبل شاہ ریاض اُتے گل زمان مسجد دے نزیك فائرنگ کر دتی تے موقعے توں فرار ہو گئے۔ فائرنگ دے نتیجے وچ کانسٹیبل شاہ ریاض شہید ہو گئے۔واقعے توں بعد پولیس نے علاقے وچ سرچ آپریشن شروع کر دتا، پر اجے تک کوئی گرفتاری نہ ہو سکی۔یاد رہے کہ کجھ دن پہلاں دہشت گرداں نے بنوں دے تھانہ ہوید وچ تعینات پولیس اہلکار رافید نوں شہید کیتا سی، جدوں کہ کانسٹیبل جاوید دے پتر نوں اغوا کیتا سی۔ پولیس دی طرفوں دہشت گرداں خلاف کارروائیاں جاری نیں۔ پولیس دعویٰ کر رئی اے کہ اوہناں نے متعدد دہشت گرد مارے نیں تے اوہناں دے سہولت کاراں دے کار مسمار کرن دا عمل وی جاری اے۔گزشتہ رات ڈومیل پولیس اسٹیشن اُتے دستی بم نال حملہ کیتا گیا، پر خوش قسمتی نال کوئی جانی نقصان نہ ہویا۔ایس دے علاوہ ضلع باجوڑ دی تحصیل مامونڈ وچ اک کار اُتے مارٹر گولا گرن نال اک بندہ جاں بحق ہو گیا تے اوہدا پرا زخمی ہو گیا۔ متوفی دی شناخت یعقوب ولد محمدان دے ناں نال ہوئی، جدوں کہ زخمی پرا دا ناں غنی اے۔ زخمی غنی نوں علاج لئی ڈی ایچ کیو ہسپتال منتقل کر دتا گیا۔