علی محمد خان تے عادل بازئی قومی اسمبلی دیاں قائمہ کمیٹیاں توں مستعفی

اسلام آباد:  بانی پاکستان تحریک انصاف (پی ٹی آئی) بانی پی ٹی آئی  دی ہدایت اُتے علی محمد خان تے عادل بازئی قومی اسمبلی دیاں قائمہ کمیٹیاں توں استعفیٰ دے دتے۔رکن قومی اسمبلی علی محمد خان نے قومی اسمبلی دی قائمہ کمیٹی برائے انسانی حقوق تے قائمہ کمیٹی برائے پارلیمانی امور توں استعفیٰ دے دتا۔ اوہناں نے اپنا استعفیٰ سپیکر آفس وچ جمع کرا دتا۔دوجے پاسے پاکستان تحریک انصاف دے رکن قومی اسمبلی عادل بازئی نے وی قومی اسمبلی دیاں قائمہ کمیٹیاں توں استعفیٰ دے دتا۔ اوہناں نے اپنا استعفیٰ سپیکر قومی اسمبلی نوں بھجوا کے موقف اختیار کیتا کہ اوہ عمران خان دیاں ہدایتاں اُتے کمیٹیاں دی رکنیت چھڈ رہے نیں۔عادل بازئی تخفیف غربت تے اوورسیز پاکستانی اینڈ ہیومن ڈویلپمنٹ کمیٹی، انفارمیشن ٹیکنالوجی تے ٹیلی کمیونیکیشن کمیٹی دے ممبر سن۔استعفیٰ وچ عادل بازئی نے آکھیا کہ اوہ عمران خان دے احکامات اُتے ساری قائمہ کمیٹیاں توں مستعفی ہو رئے نیں۔