پاکستان دے ڈیفالٹ دے خطرے وچ پچھلے 12 مہینے وچ وڈی کٹ آ گئی اے، بلوم برگ

پاکستان دے ڈیفالٹ دے خطرے وچ پچھلے 12 مہینے وچ وڈی کٹ آ گئی اے، بلوم برگ

امریکی جریدے بلوم برگ دے مطابق پاکستان دے ڈیفالٹ رسک وچ پچھلے 12 مہینیاں وچ وڈی کٹ ریکارڈ کیتی گئی اے۔
بلوم برگ دے مطابق پاکستان دے ڈیفالٹ ہون دے امکان 59 فیصد توں گھٹ کے 47 فیصد رہ گیا اے۔
بلوم برگ دا کہنا اے کہ عالمی مالیاتی اداریاں دی طرفوں کریڈٹ آؤٹ لک وچ بہتری نال پاکستان دے ڈیفالٹ رسک وچ کمی ہوئی اے۔ معاشی استحکام تے اصلاحات دی وجہ توں وی ڈیفالٹ رسک وچ کٹوتی ہوئی اے۔
بلوم برگ دا کہنا اے کہ پاکستان دے ڈیفالٹ رسک وچ کمی سرمایہ کاراں دے ودھدے ہوئے اعتماد دی علامت اے۔
اس حوالے نال اپنے بیان وچ وزارت خزانہ دے مشیر خرم شہزاد دا کہنا اے کہ بلوم برگ انٹیلی جنس دے مطابق پاکستان نے خود مختار ڈیفالٹ رسک وچ سب توں وڈی بہتری دِکھائی اے، تے پاکستان نے عالمی درجہ بندی وچ ڈیفالٹ رسک وچ کمی دے لحاظ نال پہلا نمبر حاصل کیتا اے۔
خرم شہزاد دا کہنا اے کہ پچھلے 12 مہینیاں وچ ڈیفالٹ دا امکان 59 فیصد توں گھٹ کے 47 فیصد تے آنا عالمی سرمایہ کاراں دے اعتماد دی وجہ اے۔