مودی سرکار نُوں آپریشن سندور وچ ذلت آمیز شکست توں بعد نواں محاذ کھولن دی تیاری

نئی دہلی:مودی سرکار نُوں آپریشن سندور وچ ذلت آمیز شکست توں بعد ہُن اک ہور محاذ کھولن دی فکر لاحق ہو گئی اے۔بھارتیہ جنتا پارٹی (بی جے پی) تے بھارتی فوج نے مل کے پاکستان خلاف پروپیگنڈا مہم شروع کر دِتی اے، جس دا مقصد اندرونیاں ناکامیاں نُوں چھپانا تے عوام نُوں ڈرا کے جنگی جنون نوں ہوا دِتی جانا اے۔بھارتی اخبار دی ہندو دے مطابق بھارتی میڈیا تے سرکاری ادارے مبینہ پاکستانی ڈرونز دی موجودگی دا شور مچا رہے نیں۔ جموں و کشمیر دے پونچھ سیکٹر وچ آدھی درجن ڈرونز نُوں سرحدی علاقیاں اُتے منڈلاندے ویکھیا گیا، جو نگرانی توں بعد کُجھ منٹاں وچ واپس پاکستانی حدود وچ چلے گئے۔رپورٹ مطابق مینڈھر سیکٹر وچ بالاکوٹ، لنگوٹ تے گرسائی نالہ دے نیڑے وی ڈرونز دی سرگرمی صبح 9:15 تے ریکارڈ کیتی گئی، پر اوہ فوراً اُچائی تے چڑھ کے واپس مُڑ گئے۔تجزیہ کاراں دے مطابق لائن آف کنٹرول اُتے ڈرونز دیاں ایہ من گھڑت کہانیاں اصل وچ بی جے پی دے سیاسی مقاصد نوں ظاہر کر دیاں نیں۔ گودی میڈیا وی بڑھ چڑھ کے جھوٹھیاں خبران پھیلا رہا اے تاں جو فالز فلیگ آپریشن دے ذریعے پاکستان خلاف محاذ تیار کیتا جا سکے۔سیاسی مبصرین دا کہنا اے کہ اندرونی انتشار دی شکار مودی سرکار جنگی ماحول پیدا کر کے عوام دی توجہ ہٹاؤن دی کوشش کر رہی اے۔ پاکستان دشمنی نوں ہوا دے کے بی جے پی اک وار فیر خطے دے امن نوں اپنی فسطائیت تے جنگی جنون دی بھینٹ چڑھا رہی اے۔