خیبرپختونخوا: سیلاب متاثرین نُوں اج تک حکومتی امداد نہ مِل سکی، سینکڑاں خاندان پریشان

پشاور: خیبرپختونخوا وچ سیلاب نال متاثرہ خاندان ج وی حکومتی امدادی پیکیج دے منتظر نیں۔ امداد وچ دیر ہون نال متاثرین شدید مشکلات وچ گھِر گئے نیں۔دستاویزات دے مطابق صوبے دے وکھ وکھ ضلعیاں وچ سیلاب دی وجہ نال جاں بحق تے زخمی ہون والے 286 افراد نُوں ہُن تک مکمل امداد مہیا نہیں کیتی گئی۔ 74 جاں بحق لوکاں دے لواحقین نُوں اعلان شُدہ 20-20 لکھ رُپے وچوں کسے نُوں وی ادائیگی نہیں ہوئی۔ جدوکہ 247 زخمیان وچوں صرف 35 نُوں امداد ملی اے، باقی 212 زخمی ہُن وی انتظار وچ نیں۔اسی طرح گھراں دے نقصان دا معاوضہ وی سُست روی نال جاری اے۔ مکمل تباہ ہون والے 598 گھراں وچوں صرف 36 مالکان نُوں معاوضہ ملیا، باقی 562 ہُن وی محروم نیں۔ذرائع مطابق جزوی طور تے متاثرہ 2 ہزار 971 گھراں وچوں صرف 7 نُوں معاوضہ ملیا، باقی 2 ہزار 964 متاثرین ہُن تک حکومتی امداد دے انتظار وچ نیں۔دوجے پاسے پی ڈی ایم اے دے ڈائریکٹر جنرل اسفندیار خٹک دا کہنا اے کہ جاں بحق افراد دے لواحقین نُوں 20 لکھ تے زخمیان نُوں 5 لکھ رُپے دین دا اعلان کیتا گیا اے۔ بُہتّر متاثرین نُوں امداد دی جا چکی اے، باقی نُوں جلد از جلد رقم ادا کیتی جاوے گی۔اوہناں ہور آکھیا کہ وزیراعلیٰ خیبرپختونخوا دیاں واضح ہدایتاں نیں کہ متاثرین نُوں امداد دی فراہمی وچ ہور دیر نہ ہووے، پر کُجھ تکنیکی وجوہات نال کُجھ کیس ہُن وی زیر التوا نیں۔