چیئرمین پاکستان کرکٹ بورڈ محسن نقوی

چیئرمین پاکستان کرکٹ بورڈ (پی سی بی) محسن نقوی نے قومی ٹیم دی یو اے ای روانگی توں پہلاں سینٹرل کنٹریکٹس نوں حتمی شکل دے کے اعلان کرن  دی ہدایت کر دتی۔ذرائع دے مطابق سینٹرل کنٹریکٹس 2024-25 حوالے نال مشاورتی عمل جاری اے، جدوں کہ موجودہ کنٹریکٹس دی مدت 30 جون نوں ختم ہو چکی اے۔اطلاعات مطابق صاحبزادہ فرحان، حسن نواز، فخر زمان، فہیم اشرف، اسپنر سفیان مقیم تے محمد حارث نوں نویں سینٹرل کنٹریکٹ دِتے جان گے۔ ایس دے علاوہ حسن علی، خوشدل شاہ، حسین طلعت تے محمد نواز نوں وی کنٹریکٹس ملݨ دا امکان اے۔ذرائع دا کہنا اے کہ بورڈ نے اوہ کھڈاری ، جیہڑے ناقص کارکردگی دکھا رہے نیں، اوہناں نوں نویں کنٹریکٹس نہ دین دا فیصلہ کیتا اے۔ پاکستان کرکٹ ٹیم 21 اگست نوں یو اے ای روانہ ہووے گی۔