وزیر اعلیٰ پنجاب مریم نواز شریف

وزیر اعلیٰ پنجاب مریم نواز شریف نے آکھیا ہے کہ انسانیت اوہ عظیم نسبت اے جو سارے رشتیاں توں بلند تے ہر سرحد توں بے نیاز اے۔انسانی ہمدردی دے عالمی دن دے موقعے اُتے اپنے پیغام وچ مریم نواز شریف نے کہیا کہ ہوراں لئی راحت، آسودگی تے آسانیاں دا وسیلہ بننا اصل وچ خدمتِ انسانیت اے۔ خدمتِ انسانیت دا جذبہ رنگ، مذہب تے ہر قسم دے تعصب توں بالاتر اے۔اوہناں آکھیا کہ موجودہ عالمی حالات وچ خدمتِ انسانیت دا جذبہ پہلے توں کہیں ودھ اہمیت رکھدا اے۔ غزہ دے معصوم شہیداں تے کشمیری عوام دیاں آہیں دنیا دے ہر حساس دل نوں جھنجھوڑ رہیاں نیں۔مریم نواز شریف نے ہور کہیا کہ انسان نال ہمدردی عبادت دے برابر تے سب توں وڈی خدمت اے۔ پنجاب حکومت دا ہر قدم تے ہر منصوبہ انسانی ہمدردی تے عوام دی خدمت لئی اے۔ سانوں ایسی دنیا بنانی اے جتھے امن، پیار تے انسانیت پروان چڑھے۔