اسرائیلی فوج دی غزہ وچ زمینی آپریشن دی تیاری، سرحداں اُتے ٹینک تعینات

غزہ:  اسرائیلی فوج نے غزہ وچ زمینی آپریشن دی تیاری تیز کر دِتی تے سرحداں اُتے تازہ کمک پہنچا دِتی اے۔عرب میڈیا دے مطابق سرحدی علاقیاں وچ اسرائیلی فوجی تے ٹینک تعینات کر دِتے گئے نیں، جدوکہ سکیورٹی کابینہ دا اہم اجلاس اَج طلب کیتا گیا اے جس وچ غزہ اُتے نویں فوجی آپریشن دی منظوری دِتّی جا سکدی اے۔اُدھر غزہ اُتے اسرائیلی فضائی حملے لگاتار جاری نیں۔ تازہ کارروائیاں وچ ہور 64 فلسطینی شہید ہو گئے، جِنہاں وچ امداد دے انتظار وچ بیٹھے 13 شہری وی شامل سن۔اعداد و شمار دے مطابق ہُن تک غزہ وچ شہیداں دی کُل تعداد 62 ہزار 819 تک پہنچ گئی اے، جدوکہ زخمیان دی گنتی اک لکھ 58 ہزار 629 ہو چکی اے۔فلسطینی وزارتِ صحت دا کہنا اے کہ غزہ وچ قحط تے خورا ک دی شدید کمی برقرار اے، جتھے بھُکھ کارن ہور 3 بندے جاں بحق ہو گئے نیں۔ ایہویں خوراک نہ مِلّن نال ہلاکتاں دی تعداد 303 تک پہنچ گئی اے۔