نائب وزیراعظم محمد اسحاق ڈار بنگلہ دیش دے سرکاری دورے ’تے ڈھاکہ پہنچ گئے

اسلام آباد: نائب وزیراعظم محمد اسحاق ڈار بنگلہ دیش دے سرکاری دورے ’تے ڈھاکہ پہنچ گئے۔بنگلہ دیش دے سفیر اسد عالم صیام تے بنگلہ دیش دے سیکرٹری خارجہ نے اسحاق ڈار دا استقبال کیتا۔ پاکستان دے ہائی کمشنر عمران حیدر تے ہور سینئر بنگلہ دیشی حکام وی موجود سن۔ترجمان دفتر خارجہ دے مطابق اسحاق ڈار ڈھاکہ وچ بنگلہ دیشی رہنمائیاں نال اہم ملاقاتاں کرنگے۔ نائب وزیراعظم بنگلہ دیش حکومت دی دعوت ’تے ایہہ دورہ کر رہے نیں۔ترجمان دفتر خارجہ دے مطابق اسحاق ڈار دی ملاقات چیف ایڈوائزر پروفیسر محمد یونس نال ہوگی، ایڈوائزر وزارت خارجہ توحید حسین نال وی ملاقات کرنگے۔ ملاقاتاں دوران دو طرفہ تعلقات سمیت علاقائی تے عالمی صورتحال دا جائزہ لیا جائے گا۔ایہہ دورہ پاکستان تے بنگلہ دیش دے تعلقات وچ اک اہم سنگ میل سمجھیا جا رہا ہے، کیونکہ تقریباً 13 سال بعد پاکستانی وزیر خارجہ بنگلہ دیش دا دورہ کر رہے نیں۔اسحاق ڈار دے دو روزہ دورے دوران دونویں ملک دو طرفہ تعاون ودھاؤن لئی مفاہمت دیاں متعدد یادداشتاں ’تے دستخط کرنگے۔1971 توں بعد پاکستانی حکام لئی ویزا دی شرط ختم۔بنگلہ دیش نے 1971 توں بعد پہلی وار پاکستانی حکام لئی ویزا دی شرط ختم کر دِتّی ہے۔ ایہہ معاہدہ 5 سال لئی نافذ العمل ہوگا۔غیر ملکی میڈیا دے مطابق بنگلہ دیش تے پاکستان دے سفارتی تے سرکاری پاسپورٹ رکھن والے افراد نوں ہُن دونویں ملکاں دے درمیان سفر کرن لئی ویزا دی لوڑ نہیں ہوگئی۔نوبیل انعام یافتہ محمد یونس دی قیادت وچ بنگلہ دیش دی عبوری حکومت نے باہمی ویزا استثنیٰ دے اس معاہدے دی منظوری دے دِتّی ہے۔محمد یونس دے پریس سیکرٹری شفیق الاسلام نے ڈھاکہ وچ نیوز کانفرنس دوران دسیا کہ بنگلہ دیش دے 31 ہور ملکاں نال وی ایس طرح دے معاہدے موجود نیں۔ اس معاہدے تحت پاکستانی حکام نوں بنگلہ دیش وچ ویزا توں بغیر داخلے دی اجازت ہوگی۔