امریکہ نوں ایران تے اسرائیل دی جنگ وچ شامل ہو کے کسے وی قسم دی کامیابی حاصل نہیں ہوئی،آیت اللہ خامنہ ای
امریکہ نوں ایران تے اسرائیل دی جنگ وچ شامل ہو کے کسے وی قسم دی کامیابی حاصل نہیں ہوئی،آیت اللہ خامنہ ای
ایرانی سپریم لیڈر آیت اللہ خامنہ ای نے آکھیا اے کہ ایران دے خلاف اسرائیلی جنگ وچ شامل ہو کے امریکہ نوں کوئی کامیابی حاصل نہیں ہوئی۔
قوم نال خطاب وچ آیت اللہ خامنہ ای نے آکھیا کہ امریکہ ایہہ سمجھدا سی کہ جے اوہ جنگ وچ شامل نا ہویا تاں اسرائیل تباہ ہو جائے گا، پر ایران دے خلاف اسرائیلی جنگ وچ شامل ہو کے وی اوہ کجھ حاصل نہ کر سکیا۔
اوہناں آکھیا کہ ایران دا امریکی فوجی اڈیاں تک رسائی حاصل کرنا اک وڈی کامیابی اے۔ جے دوبارہ کوئی جارحیت ہوئی تاں اس دا جواب وی ضرور دتا جائے گا۔ امریکہ نے ساڈیاں جوہری تنصیبات نوں نشانہ بنان دی کوشش کیتی،امریکا وی زیادہ کجھ حاصل نہ کر سکیا۔ امریکی صدر ٹرمپ صرف شومین شپ کرنا چاہندے سن۔
خامنہ ای نے آکھیا کہ ٹرمپ نے اک تقریر وچ آکھیا سی کہ ایران نوں ہتھیار پھینک دینے چاہیدے نیں۔ ایران دے دشمن دراصل ایہ گل چاہندے نیں کہ اسی ہتھیار رکھ دیئے، پر اسی کدی وی ہتھیار نئیں رکھاں گے ۔
اوہناں آکھیا کہ جو لوک ایران دے خلاف جارحیت کرے گا، اوہنوں اگے وی بھاری قیمت چکانی پئے گی۔
اوہناں مزید آکھیا کہ صیہونی ریاست دے خلاف فتح اُتے ایرانی عوام نوں مبارک باد دینی اے۔ 9 کروڑ دی آبادی والی ایہ قوم متحد اے، اک آواز اے تے شانہ بشانہ کھل کے اپنی فوج دے نال کھڑی اے۔
