یویارک: اقوام متحدہ نے غزہ نوں قحط زدہ قرار دِتّا اے

نیویارک: اقوام متحدہ نے غزہ نوں قحط زدہ قرار دِتّا اے، جدھر غزہ دی آبادی دا لگ بھگ اک چوتھائی حصہ بھک دا شکار ہے۔عالمی میڈیا دی رپورٹ دے مطابق اقوام متحدہ دے گلوبل ہنگر مانیٹر انٹیگریٹڈ فوڈ سکیورٹی فیز کلاسیفیکیشن دی رپورٹ وچ آکھیا گیا ہے کہ ایس ویلے 5 لاکھ 14 ہزار فلسطینی، یعنی غزہ دی آبادی دا قریب اک چوتھائی حصہ قحط وچ مبتلا ہے تے ایہہ تعداد ستمبر دے آخر تک 6 لاکھ 41 ہزار تک پہنچ سکدی ہے۔میڈیا رپورٹ وچ ہور دسیا گیا کہ اے پی سی  دے مطابق شمالی علاقے، خاص طور ’تے غزہ سٹی نوں باضابطہ طور اُتے قحط زدہ قرار دِتّا گیا ہے، جدھر صرف اس خطے وچ 2 لاکھ 80 ہزار افراد بھوک نال مر رہے نیں۔ ہور متاثرہ علاقے دیر البلح تے خان یونس نیں، جو اگلے مہینے قحط دا شکار ہوسکدے نیں۔دوجے  پاسے اسرائیل نے غزہ وچ قحط نال متعلق ای پی سی  دی رپورٹ نوں مسترد کر دِتّا۔ اسرائیلی وزارت خارجہ نے دعویٰ کیتا اے کہ غزہ وچ قحط دی کوئی صورتحال نہیں، تے جنگ شروع ہون توں اج تک اک لکھ توں ودھ امدادی ٹرک غزہ وچ داخل ہو چکے نیں۔اسرائیلی فوجی ادارہ  نے غزہ وچ قحط تے امداد دے داخلے وچ رکاوٹاں دے الزامات نوں رد کردے آکھیا کہ حماس "جھوٹی بھک مہم” چلا رہی اے تے اقوام متحدہ سمیت ہور ادارے غزہ وچ قحط بارے بے بنیاد دعوے پھیلا رہے نیں۔اقوام متحدہ دے امدادی امور دے سربراہ ٹام فلیچر نے جنیوا وچ صحافیاں نال گل بات دے دوران آکھیا کہ غزہ وچ پھیل رہیا قحط روکیّا جاسکدا سی، پر اسرائیل دیاں "منظم رکاوٹاں” نے امدادی سامان دی ترسیل ناممکن بنا دِتی۔اوہناں آکھیا کہ ایہہ اوہ قحط ہے جیہڑا اسی روک سکدے ساں اگر ساڈے نوں اجازت مِلدی، پر خوراک سرحداں اُتے رکی ہوئی ہے کیونکہ اسرائیل لگاتار رکاوٹاں کھڑیاں کر رہا ہے۔ اوہناں دا کہنا سی کہ ایہہ "اکیويں صدی دا قحط” عالمی برادری لئی "اجتماعی شرمندگی دا لمحہ” ہے، کیونکہ دنیا نے ایس نوں حقیقی وقت وچ ہُندا ویکھیا۔ٹام فلیچر نے آکھیا کہ نیتن یاہو نوں چاہیدا اے کہ امدادی سامان نوں بڑے پیمانے اُتے تے بغیر رکاوٹ غزہ وچ داخل ہون دے، تے انتقامی اقدامات ختم کیتے جان۔