سیلاب نال 39 گرڈز تے 356 فیڈرز متاثر، بحالی لئی دن رات کام جاری: پاور ڈویژن

اسلام آباد:  پاور ڈویژن نے آکھیا اے کہ سیلاب کارن ملک بھر وچ 39 گرڈز تے 356 فیڈرز متاثر ہوئے نیں، جنہاں دی بحالی لئی دن رات کام ہو ریا اے۔پاور ڈویژن دی رپورٹ مطابق پیسکو دے علاقے سوات، بنر، شانگلہ، صوابی تے ڈی آئی خان وچ 12 گرڈز تے 91 فیڈرز متاثر ہوئے، پیسکو دے 84 فیڈرز مکمل تے 7 جزوی طور تے بحال ہو چکے نیں۔پیسکو دے علاقے صوابی تے ڈی آئی خان وچ بجلی دی بحالی دا کام مکمل ہو چکیا اے۔گیپکو دے زیرِ انتظام علاقے سیالکوٹ، نارووال، وزیرآباد تے حافظ آباد وچ 10 گرڈز تے 87 فیڈرز متاثر ہوئے، گیپکو دے 68 فیڈرز مکمل تے 17 جزوی طور تے بحال کر دتے گئے نیں۔لیسکو دے علاقے لاہور، اوکاڑہ، شيخوپورہ، قصور تے ننکانہ دے 56 متاثرہ فیڈرز جزوی طور تے بحال ہو چکے نیں، جدوکہ مکمل بحالی 31 اگست توں 5 ستمبر تک متوقع اے۔فیسکو دے زیرِ انتظام علاقے فیصل آباد، چنیوٹ، جھنگ، سرگودھا، میانوالی تے ڈی آئی خان دے 17 گرڈز تے 53 متاثرہ فیڈرز عارضی طور تے بحال کر دتے گئے نیں۔میپکو دے زیرِ انتظام علاقے وچ 67 فیڈرز متاثر ہوئے نیں، پانی اتردے ہی متاثرہ فیڈرز دی بحالی دا عمل فوری شروع ہو جاوے گا۔ٹیسکو دے علاقے شمالی وزیرستان دے 2 متاثرہ فیڈرز عارضی طور تے بحال کر دتے گئے نیں، مکمل بحالی 5 ستمبر تک متوقع اے۔پاور ڈویژن مطابق مجموعی طور تے 39 گرڈز تے 356 متاثرہ فیڈرز وچوں 152 مکمل تے 202 عارضی طور تے بحال کر دتے گئے نیں۔ ڈسکوز دی فیلڈ ٹیمیں دن رات بحالی دے کام وچ مصروف نیں۔