امریکی صدر ڈونلڈ ٹرمپ نے 2026 دے وسط مدتی انتخابات دے ایگزیکٹو آرڈر اُتے دستخط کرن دا اعلان کر دتا۔غیر ملکی خبر رساں ایجنسی دے مطابق امریکی صدر ڈونلڈ ٹرمپ نے سوشل میڈیا اُتے جاری اپنے اک بیان وچ آکھیا کہ امریکی ریاستاں نوں وفاقی حکومت دیاں ہدایتاں اُتے عمل کرنا پئے گا۔اوہناں نے آکھیا کہ انتخابی عمل وچ ہم آہنگی لئی صدارتی حکم نامہ جاری کیتا جائے گا تے ریاستی خودمختاری نوں قومی مفاد دے خلاف استعمال نئیں کیتا جا سکدا۔ڈونلڈ ٹرمپ نے میل اِن بیلٹ تے ووٹنگ مشیناں خلاف تحریک شروع کرن دا اعلان کردے ہوئے آکھیا کہ میل اِن بیلٹس نوں ختم کرن دی تحریک دی قیادت اوہ خود کرن گے۔امریکی صدر نے ووٹنگ مشیناں نوں غیر مؤثر، مہنگی تے متنازعہ قرار دتا تے آکھیا کہ 2026 دے انتخابات توں پہلاں صدارتی حکم نامہ جاری کیتا جائے گا۔
