غزہ وچ عالمی فوجاں دی تعیناتی

قاہرہ: مصر نے آکھیا اے کہ ریاست دے قیام لئی غزہ وچ عالمی فوجاں دی تعیناتی اُتے کوئی اعتراض نئیں۔عالمی میڈیا دیاں رپورٹاں دے مطابق مصر دے وزیر خارجہ بدر عبدالعاطی نے آکھیا اے کہ غزہ وچ 60 روزہ جنگ بندی دی تجویز تیار کرن لئی حماس تے قطری ثالث نال گل بات جاری اے۔مصری وزیر خارجہ نے ہور آکھیا کہ ناقابلِ قبول حالات موجودہ ویلے وچ غزہ اُتے اک جامع معاہدے تک پہنچن وچ رکاوٹ نیں۔ اوہناں نے دسیا کہ غزہ نال متعلق مجوزہ تجویز کجھ ترامیماں نال امریکی ایلچی اسٹیو وٹکوف دے پیپر اُتے ہی مبنی اے۔ اسی اوہ خیالات پیش کیتے نیں جیہڑے اسرائیل دی سیاسی مرضی ہوئے تاں کامیاب ہو سکدے نیں۔اوہناں نے ایہہ وی آکھیا کہ جنگ توں بعد غزہ دا انتظام کرن لئی کمیونٹی سپورٹ کمیٹی دے ارکان اُتے اتفاق رائے موجود اے۔