یوکرین دے صدر زیلنسکی روسی ہم منصب نال سِدھی گل بات لئی تیار

کیف:  یوکرین دے صدر زیلنسکی روسی ہم منصب نال براہِ راست مذاکرات لئی تیار ہو گئے۔خبر ایجنسی مطابق روس دے وزیر خارجہ سرگئی لارؤف نے ہُن تک اَجیہی کسے ملاقات توں انکار کیتا اے۔ یوکرینی صدر دا کہنا اے کہ ترکیہ، خلیجی عرب مُلک تے یورپی یونین نُوں پیوٹن نال مذاکرات کرنے چاہیدے نیں۔زیلنسکی نے ہور آکھیا کہ پیوٹن نال مذاکرات دا مقصد جلد جنگ بندی کروانا اے۔ ایہ ہفتے یورپ تے عرب مُلکاں دے رہنماواں نال رابطہ کراں گا۔واضح رہے کہ متحدہ عرب امارات دی ثالثی وچ روس تے یوکرین نے اک دوجے دے ہور 146 قیدی آزاد کر دِتے نیں۔ روسی وزارتِ دفاع نے قیدیان دے تبادلے دی تصدیق کردے آکھیا سی کہ ایہ تبادلہ یو اے ای دی ثالثی وچ ہویا۔روس دی وزارتِ دفاع نے ایہ وی دسیا کہ سارے آزاد کیتے گئے روسی قیدی ہُن بیلاروس وچ موجود نیں، جتھے اوہناں نُوں نفسیاتی تے طبی امداد مہیا کیتی جا رہی اے۔یوکرینی صدر ولادیمیر زیلنسکی نے اپنے پیغام وچ اس تبادلے دا اعلان کردے آکھیا سی کہ زیادہ تر قیدی 2022 وچ روس دے یوکرین اُتے حملے توں بعد قید کیتے گئے سن۔ زیلنسکی نے واپس آن والے قیدیان دیاں تصویراں وی سانجھیاں کیتیاں، جِنہاں وچ اک صحافی وی شامل سی جو حملے دے اک مہینے بعد قید کیتا گیا سی۔