بالی ووڈ اداکار ارباز خان دی سابقہ بیوی، ڈانسر تے ماڈل ملائیکہ اروڑا نے دوجی شادی دی خواہش دا اظہار کر دتا۔بھارتی میڈیا رپورٹ دے مطابق حالیہ انٹرویو وچ 51 سالہ ملائیکہ اروڑا نوں جدوں دوجی شادی بارے سوال کیتا گیا، تاں اوہناں آکھیا کہ اوہ اج وی محبت اُتے یقین رکھدیاں نیں تے دوجی شادی لئی کدے وی "نہ” نئیں آکھیا۔ملائیکہ نے دسیا کہ جدوں اوہ ارباز خان نال شادی کیتی سی، تاں اوہ بہت کم عمر سن۔ اوہناں نے نوجوان لڑکیاں نوں پیغام دتا کہ شادی دا فیصلہ کرن وچ جلد بازی نہ کرن، زندگی نوں سمجھن توں بعد ایہہ قدم چُکنا چاہی دا اے۔بالی ووڈ سٹار دا ایہہ بیان سوشل میڈیا اُتے تیزی نال وائرل ہو ریا اے تے ناقدین ایس اُتے بھرپور تبصرے کر رہے نیں۔یاد رہے کہ محبت نال ہون والی شادی وچ ارباز تے ملائیکہ 18 سال بعد ایک دوجے توں الگ ہو گئے سن۔ 2017 وچ ارباز خان توں طلاق دے بعد، اگلے سال یعنی 2018 وچ ملائیکہ اداکار ارجن کپور نال رشتے وچ آ گئیاں سن، پر 2024 وچ ایہہ تعلق وی ختم ہو گیا۔دوجے پاسے ارباز نے ملائیکہ اروڑا توں طلاق دے کئی سال بعد 2023 وچ بالی ووڈ دی مشہور میک اپ آرٹسٹ نال دوجی شادی کر لئی۔
