وزیر داخلہ نال امریکی سفیر دی ملاقات، پاکستان نوں مطلوب افراد اُتے گل بات

اسلام آباد: وفاقی وزیر داخلہ محسن نقوی نال امریکا دی قائم مقام سفیر نیٹلی بیکر دی دوبارہ ملاقات ہوئی، جتھے دوواں ملکاں وچ مشترکہ معاملیاں، دو طرفہ تعلقات تے باہمی دلچسپی دے مسئلے اُتے تبادلہ خیال کیتا گیا۔ملاقات وچ پاکستان نوں امریکا وچ مطلوب شہریاں دے حوالے نال وی گل بات ہوئی، جدوں کہ بارڈر سکیورٹی، انسدادِ منشیات، کوسٹ گارڈز تے فرانزک دے شعبیاں وچ تعاون ودھاؤن اُتے اتفاق کیتا گیا۔قائم مقام امریکی سفیر نیٹلی بیکر نے خیبرپختونخوا تے پنجاب وچ سیلاب نال ہون والے جانی تے مالی نقصان اُتے افسوس دا اظہار کیتا تے متاثرین نال ہمدردی وی جتائی۔محسن نقوی آکھیا کہ امریکی صدر ڈونلڈ ٹرمپ والوں پاکستان وچ تیل دے ذخائر ودھان لئی مشترکہ کوششاں بارے بیان خوش آئند اے۔ اوہ آکھدے نیں کہ امریکی سرمایہ کار پاکستان وچ تیل سمیت مختلف شعبیاں وچ سرمایہ کاری دے موقعے حاصل کر سکدے نیں تے حکومت اوہناں نوں ہر ممکن سہولت فراہ‏م کرے گی۔