حکومت دا بیرونی کمرشل بینکاں توں 3 ارب 10 کروڑ ڈالر قرض لینے دا فیصلہ

اسلام آباد: حکومت نے رواں مالی سال لئی 3 ارب 10 کروڑ ڈالر بیرونی کمرشل بینکاں توں قرض لینے دا فیصلہ کر لیا۔وزارت اقتصادی امور مطابق پراجیکٹ فنانسنگ لئی 6 ارب 40 کروڑ ڈالر قرض حاصل کیتا جائے گا۔ جولائی وچ حکومت نے 70 کروڑ ڈالر قرض حاصل کیتا، جنہاں وچوں 49 کروڑ 83 لاکھ ڈالر باہمی تے کثیرالجہتی معاہدیاں تحت ملے۔رپورٹ مطابق جولائی وچ 19 کروڑ 62 لاکھ ڈالر دے نیا پاکستان سرٹیفکیٹس جاری ہوئے، تے حکومت نے رواں مالی سال صرف 40 کروڑ ڈالر مالیت دے بانڈز جاری کرن دا فیصلہ کیتا اے۔سرکاری رپورٹ دے مطابق سعودی آئل فیسیلیٹی تحت جولائی وچ 10 کروڑ ڈالر موصول ہوئے، تے رواں مالی سال ایہ رقم 1 ارب ڈالر تک پہنچے گی۔ جولائی 2025 وچ بیرونی فنڈنگ وچ سالانہ بنیاداں تے تقریباً 26 کروڑ ڈالر دا اضافہ ہویا اے۔