وزیر داخلہ محسن نقوی دی ریلویز ہیڈکوارٹرز آمد

لاہور: وفاقی وزیر داخلہ محسن نقوی نے پاکستان ریلویز ہیڈکوارٹرز دا دورہ کیتا تے وزیر ریلویز حنیف عباسی دی صدارت وچ ہون والے خاص اجلاس وچ شرکت کیتی۔اجلاس وچ ملک بھر، خاص طور اُتے بلوچستان وچ ریلویز لائنز تے ٹریناں دی سکیورٹی دے اقدامات دا تفصیلی جائزہ لیا گیا۔اجلاس وچ فیصلہ کیتا گیا کہ ریلویز دی اراضی اُتے تجاوزات خلاف مشترکہ کریک ڈاؤن کیتا جاوے گا، جس وچ نیشنل کونسٹیبلری تے ریلویز پولیس حصہ لین گے۔ ایف سی وی انسداد تجاوزات آپریشن وچ ریلویز پولیس نال مکمل تعاون کرے گی۔اسلام آباد تے راولپنڈی دے درمیان ٹرین چلاؤن دا فیصلہ۔وزیر داخلہ محسن نقوی نے آکھیا کہ اسلام آباد تے راولپنڈی دے درمیان ٹریناں چلاؤن دا فیصلہ کیتا گیا اے۔ ریلویز ٹریکس تے ٹریناں دی فول پروف سکیورٹی یقینی بناؤن لئی ہر ممکن اقدامات چُکّے جان گے۔ اوہناں مسافراں دی حفاظت نوں اولین ترجیح قرار دتا۔اوہناں ریلویز دی کارکردگی بہتر بنان لئی حنیف عباسی دے دور وچ کیتے گئے منفرد اقدامات نوں سرا ہیا۔وزیر ریلویز حنیف عباسی نے تجاوزات دے خاتمے وچ فیڈرل ریزرو پولیس دی معاونت اُتے وزیر داخلہ محسن نقوی دا شکریہ ادا کیتا۔اجلاس وچ چیف ایگزیکٹو آفیسر پاکستان ریلویز عامر علی بلوچ، آئی جی ریلویز پولیس رائے طاہر تے ہور اعلیٰ حکام وی موجود سن۔