محکمہ موسمیات نے ربیع الاول دا چن 24 اگست نوں نظر آن دی پیشگوئی کر دِتی۔محکمہ موسمیات دا کہنا اے کہ 23 اگست نوں دن 11 وجہ کے 6 منٹ تے نواں چاند پیدا ہون دی اُمید اے، جدوں کہ 24 اگست دی شام تک اوہدی عمر 32 کنٹے تے 13 منٹ ہووے گی۔ترجمان محکمہ موسمیات نے آکھیا کہ ملک دے سمندری علاقیاں وچ سورج غروب ہون تے چاند ڈُبن وچ 45 منٹ دا فرق ہووے گا،محکمہ موسمیات دے مطابق جے ایہہ پیشگوئی درست نکلی تے ربیع الاول 1447 ہجری دا آغاز 25 اگست 2025 نوں ہووے گا تے 12 ربیع الاول جمعہ، 5 ستمبر نوں ہون دا امکان اے۔واضح رہے کہ ایس توں پہلاں پاکستان دے قومی خلائی ادارے سپیس اینڈ اپر ایٹماسفیئر ریسرچ کمیشن (سپارکو) نے وی ربیع الاول 1447 ہجری دا چاند 24 اگست نوں نظر آن بارے پیشگوئی کیتی سی، پر سپارکو نے آکھیا اے کہ چاند دی رویت دا حتمی اعلان صرف مرکزی رویت ہلال کمیٹی کرے گی۔
