عالمی برادری ایران اسرائیل جنگ بندی لئی فوری قدم کرے، وزیر اعظم شہباز شریف

وزیراعظم شہباز شریف نے آکھیا اے کہ ایران اسرائیل جنگ دی صورتحال تشویشناک اے، تے عالمی برادری نوں فوراً جنگ بندی لئی کردار ادا کرنا چاہیدا اے۔
اوہناں آکھیا کہ اسرائیل نے برادر ملک ایران خلاف جارحیت کیتی،جس وچ سیکڑیاں شہید تے زخمی ہوئے،پاکستان نے اس حملے دی شدید مذمت کیتی اے۔
شہباز شریف نے دسیا کہ ایران تے ترکیہ دے صدور نال رابطہ کیتا گیا،تے پاکستانی عوام دی طرفوں یکجہتی دا اظہار کیتا گیا،پاکستان خطے وچ امن چاندے اے۔
اوہناں غزہ وچ اسرائیلی مظالم اُتے افسوس دا اظہار کیتا تے آکھیا کہ 50 ہزار فلسطینی شہید ہو چکے نیں،نائب وزیراعظم او آئی سی اجلاس وچ شرکت کرن گے۔
وزیراعظم نے بجٹ بارے آکھیا کہ زراعت اُتے کوئی ٹیکس نئیں اے، تنخواہاں وچ 10 فیصد اضافہ ہویا تے عوام نوں ٹیکس وچ ریلیف دتا گیا اے۔
اوہناں آکھیا کہ پاکستان دی معیشت بہتری ول جا رہی اے تے افواج پاکستان نے دہشت گردی خلاف کامیابی حاصل کیتی اے۔