ٹیم دباؤ کا شکار نہیں،جنوبی افریقا کیخلاف میچ کیلئے تیار ہیں،کپتان افغانستان کرکٹ ٹیم

افغانستان کی کرکٹ ٹیم کے کپتان حشمت اللہ شاہدی کا کہنا ہے کہ ہماری ٹیم دباؤ کا شکار نہیں،جنوبی افریقا کیخلاف میچ کیلئے تیار ہیں۔

کراچی میں پریس کانفرنس کرتے ہوئے انہوں نے کہا ہماری تمام تر توجہ اچھی کرکٹ کھیلنے پر ہے،ماضی کے برعکس ہماری کارکردگی میں تبدیلی آئی ہے۔

ہماری ٹیم کل کے میچ کیلئے تیار ہے،ہم اس سے پہلے بھی یہاں کھیل چکے ہیں ،ہم مین میچز کے لیے مکمل طور پر تیار ہیں۔

بطور کپتان میں پر امید ہوں کہ ہم اچھا کھیلیں گے ،ہم اگلے راؤنڈ میں پہنچنے کی پوری صلاحیت رکھتے ہیں،واضح رہے گروپ بی کے پہلے میچ میں افغانستان اور جنوبی افریقا کی ٹیمیں کل کراچی میں مدمقابل ہونگی۔