چیف جسٹس کا ہزارہ ڈویژن کے دور دراز علاقوں کے دورے کا اعلان

چیف جسٹس پاکستان سے ہزارہ ڈویژن بار کے وفد نے ملاقات کی جس میں ہزارہ بار کے وکلا اور سائلین کو درپیش مسائل پر تبادلہ خیال کیا گیا۔

اعلامیہ کے مطابق چیف جسٹس یحییٰ آفریدی نے انصاف تک رسائی کے عزم کا اعادہ کیا اور اعلان کیا کہ وہ ہزارہ ڈویژن کے دور دراز علاقوں کے دورے بھی کرینگے۔

چیف جسٹس کا مزید کہنا تھا کہ بینچ اور بار کی اجتماعی دانش عدالتی نظام کے لیے ناگزیر ہے، قانونی برادری کے تعاون کے بغیر مؤثر نظام انصاف ممکن نہیں۔

وفاقی عدالتی اکیڈمی کے تربیتی پروگرامز وکلا کے لیے مفید ثابت ہونگے،ہزارہ ڈویژن کے وکلاء عدالتی تربیتی کورسز سے استفادہ کریں۔

ملاقات کے دوران چیف جسٹس پاکستان نے وفد کو مسائل حل کرنے کی یقین دہانی کروائی۔